15. juni 1184 stod det endelege slaget mellom Sverre Sigurdsson og Magnus Erlingsson, som begge hevda at dei hadde krav på den norske trona, i Sogndalsfjorden ved Fimreite. Tusenvis av hærmenn kjempa i timesvis og fire langskip gjekk under. Likevel er det gjort få arkeologiske funn etter hendinga, og det er mykje vi ikkje veit, mellom anna kvar i fjorden slaget stod.

Sannsynlegvis ligg det framleis metall, steinar eller treverk på botnen av fjorden som ventar på å bli oppdaga. Er det mogleg å finne restar etter slaget med hjelp av dykkarar og moderne teknologi i dag?

I boka følgjer vi forfattar Rune Timberlid si lidenskapelege jakt etter spor som kan kaste nytt lys over historia. Vi får òg lese om den spennande og dramatiske opptakten til slaget, og får ei levande skildring av kampen der Magnus Erlingsson til slutt måtte bøte med livet.

‍